Poslovne vijesti - Makedonija

Награда за „Битолска млекарница“

„Европски систем за наградување на општествената одговорност на претпријатијата“ додели на „Битолската млекарница“ награда за најдобра општествена практика во категоријата големи компании.

Наградата е добиена за реализираната акција „Прегратка на дар“, во чии рамки беа организирани едукативни активности за поттикнување на хуманоста и помагањето во заедницата во 150 градинки низ Македонија. Во акцијата беа вклучени над 10.000 деца, кои изработија повеќе од 7.000 уникатни подароци-играчки за своите врсници - децата што новогодишните празници ги поминуваа во собите на детските одделенија во сите болниците низ земјата.